Dalam nengri Daud kalia

Dalam nengri Daud kalia

Di rumah chapi siti

Dia indai ngali ka anak

Di dulang jelu chapi

Maria nama indai nya

Tuhan Jesus anak iya

Jesus datai ari serga

Megai printah di bumi

Diau dalam rumah kuda

Tindok datas padong jai

Jesus diau di dunya

Enggau orang saranta 

Leboh Jesus apin besai

Bebasa lalu ngasi

Kasih, ngemata ka indai

Ti ngintu iya gali

Anak Kristian patut pia

Jimat, ngasi, nunda iya

Laban iya teladan amai

Baka kita iya mansang

Biak, lemi, baka kitai

Nemu brat, nemu lantang

Iya ngasai ka penusah

Lalu nemu pengaga

Mata kitai mansang meda

Jesus ti udah rindu

Jesus ti nelap, ti jimat

Ti kasih enda badu

Ngiring anembiak iya

Ka endor iya di serga

Nadai agi kitai meda

Iya diau enggau chapi

Jemah kitai ka meda iya

Di endor iya ti tinggi

Alai murid iya gaga

Enggau iya dalam serga